Дербес деректерді жинауға жəне өңдеуге келісім

ТДО (Тері диагностикасы орталығы) жазбасына осы өтінімді толтыра отырып, Қазақстан, Алматы қаласы, Медеу ауданы, Бөгенбай батыр көшесі, 86/47 үй, пошта индексі 050010, (бұдан әрі мәтін бойынша – Оператор) мекенжайы бойынша тіркелген "Гельтек" жауапкершілігі шектеулі серіктестігіне (БСН 220440038284) "Дербес деректер және оларды қорғау туралы" Қазақстан Республикасының 2013 жылғы 21 мамырдағы №94-V Заңының (бұдан әрі мәтін бойынша – Заң) 7-бабының 1-тармағына және 8-бабының 1-тармағына және Қазақстан Республикасының өзге де нормативтік құқықтық актілеріне сәйкес Косметологтың тегін консультациясының қызметтеріне жазылу мақсаттары үшін Операторға менің жеке бастамам бойынша өз міндеттерін орындау үшін қажетті менің жеке деректерімді жинауға және өңдеуге өз келісімімді беремін.

Менің дербес деректерімді өңдеу Қазақстан Республикасының қолданыстағы заңнамасының талаптары шеңберінде жинақтауды, сақтауды, өзгертуді, толықтыруды, пайдалануды, таратуды, иесіздендіруді, бұғаттауды және жоюды, оның ішінде нақты функцияларды/міндеттерді орындау үшін қажетті көлемде осындай дербес деректерді үшінші тұлғаларға олардың сұрау салулары бойынша беруді, қажет болған жағдайда және Қазақстан Республикасы заңнамасының талабы бойынша дербес деректерді иесіздендіру, бұғаттау, жоюды қамтитыны туралы хабардар етілдім.

Оператор заң талаптарын және (немесе) осы келісімде қол жеткізген шарттарды сақтаған жағдайда, бұдан әрі менің (мен туралы) дербес деректерімді жинауға, өңдеуге және трансшекаралық беруге қатысты операторға қандай да бір шағым болмайды.

Мен Оператордың жоғарыда көрсетілген әрекеттерді жүзеге асыруына, сондай-ақ менің жалпыға қолжетімді дербес деректерімді қағаз тасығыштарда және (немесе) электрондық тасығыштарда және (немесе) Оператордың өзге де материалдық тасығыштарында орналастыруға өз келісімімді білдіремін.

Мен осы келісімнің қазақ тілінде жасалғанына қарсы емеспін, осы мәтіннің мазмұнын түсінемін және бұдан әрі Операторға шағымдарым болмайды.